Kapunda hâsıl itdi bu devâsuz derdi hep gönlüm / Ne derde mübtelâ oldı dil-i bîmârı görsünler

Açıl bâğun gül ü nesrîni ol ruhsârı görsünler / Salın serv ü sanavber şîve-i reftârı görsünler

Bir lebi gonca yüzi gül-zâr dirsen işte sen / Hâr-ı gamda andelîb-i zâr dirsen işte ben

Saçma ey göz eşkden gönlümdeki odlare su / Kim bu denlü dutuşan odlare kılmaz çâre su

Saçma ey göz eşkden gönlümdeki odlare su

Kim bu denlü dutuşan odlare kılmaz çâre su

Hattum hisâbın bil didün gavgâlara saldun beni / Zülfüm hayâlin kıl didün sevdâlara saldun beni

Perîşân-hâlün oldum sormadun hâl-i perîşânum / Gamundan derde düşdüm kılmadun tedbîr-i dermânum

Perîşân-hâlün oldum sormadun hâl-i perîşânum
Gamundan derde düşdüm kılmadun tedbîr-i dermânum
Ne dersen rûzgârum beyle mi geçsün güzel hânum
Gözüm cânum efendim sevdüğüm devletlü sultânum

13